Sonowal-an a minister turte hming a puang

Arunachal Pradesh leh Assam Governor nihna chelh mek PB Acharya chuan Thawhlehni khan Sarbananda Sonowal chu rinawmna thu tiam tirin Assam Chief Minister thar atan a lawm lut. Sonowal chuan lawmluh a nih rual hian a cabinet minister tur te a puang nghal.

Bharatiya Janata Party (BJP) leh a thawhpui sorkar lawmluhna inkhawm hi Prime Minister Narendra Modi chuan a hmanpui. Prime minister bakah hian sorkar laipuia mi pawimawh tak tak BJP national president Amit Shah, Deputy Prime Minister hlui LK Advani bakah Union Minister Home Minister Rajnath Singh, Union Railway Minister Suresh Prabhu, M Venkaiah Naidu, Nitin Gadkari, Ram Vilas Paswan, Jitendra Singh leh Anant Kumar te chuan he hun hi an hmanpuyi bawk.

Assam-a BJP sorkar thar lawmluhna inkhawm hi ropui taka neih a ni a, state hrang hrang chief minister 12 zet te an tel a ni. Chung te chu - Rajasthan Chief Minister Vasundra Raje, Madhya Pradesh Chief Minister Shivraj Singh Chauhan, Gujarat Chief Minister Anandi Ben Patel, Chattisgarh Chief Minister Raman Singh, Jharkhand Chief Minister Raghubar Das, Maharashtra Chief Minister Devendra Fadnavis, Goa Chief Minister Laxmikant Parsekar, Sikkim Chief Minister Pawan Chamling, Andhra Pradesh Chief Minister Chandrababu Naidu, Arunachal Chief Minister Kalikho Pul, Punjab Chief Minister Parkash Singh Badal leh Nagaland Chief Minister TR Zeliang te an ni.

PM Narendra Modi chuan Assam mipuite chu an party-ah rinna an nghah avangin lawmthu a hrilh a, Sonowal-a leh a thawhpui te hian sorkar chak tak an din ngei ang tih a sawi. BJP president Amit Shah chuan, "NDA sorkar hnuaiah tun dinhmunah state hrang hrangah BJP Chief Minister 14 an awm a ni" a ti a, an party hmasawnna chu ropui a tih thu a tarlang bawk. Chief Minister a nih hnuaa a thusawi hmasa berah Sonowal chuan, "Sorkarna siam thei tura mipuite thlawpna avangin ka lawm a, kan term tawp thlenga min thlawp tlat turin ka ngen che u a ni. Hindu, Muslim, Sikh leh Kristian te ṭha takin kan thawkho ang a, kan state hian nasa takin hmasawnna hmel a hmu thei dawn a ni" a ti.

Assam-ah hian BJP leh a thawhpui party te hian seat 126 aṭangin seat 86 zet an la. BJP chuan Minister paruk a nei ang a, a thawhpui Asom Gana Parishad-in pali, Bodoland People's Front (BPF)-in pahnih. Congress
aṭanga BJP zawmtu Himanta Sarma chu finance minister ni thei tura ngaih a ni bawk.

Sonowal chu Assam chief minister a ni ta a, Himanta Biswa Sarma (BJP), Atul Bora (AGP), Pramila Rani Brahma (BPF), Parimal Suklabaidya (BJP), Chandra Mohan Patowary (BJP), Keshab Mahanta (AGP), Ranjit Dutta (BJP) leh Rihon Daimary (BPF) te chu minister atan a ruat nghal a, Governor pawmpuina nghah mek a ni.

CM tharin a minister

tura a ruatte chu :

Cabinet Minister : Himanta Biswa Sarma, Chandra Mohan Patowary, Atul Bora (Junior), Keshab Mahanta, Pramila Rani Brahma, Rihon Daimary, Ranjit Dutta, Parimal Suklabaidya.

Ministers of State with Inde-pen-dent charge: Naba Kumar Doley, Pallav Lochan Das.