JCILPS Women Wing ten political party te ngen

Joint Committee on Inner Line Permit Systems (JCILPS), Women Wing te chuan thuchhuah siamin Manipura-a regional party leh national party te chu State Legislative Assembly-in Bill pathum a pass tun thlenga hman a la nih loh chungchangah hmalakpui turin an ngen.

JCILPS Women Wing hruaitu Thongam Apabi chuan thuthar thehdarhtute kawmin an harsatna hrang hrang te a tarlang. Thongam Apabi chuan, hun rei tak chhung Bill tihkhawtlai chu an hrethiam lo tih sawiin, women wing chuan heng Bill pathum te hi dan (Act) a nih hma loh chuan an ngawi mai mai dawn lo tih a sawi. Women wing te hian lungawi lohna an lan tir leh mek a, he mi kawngah hian state chhunga regional leh National party office kawtah lungawi lohna hi lan tirine, party hruaitu ṭhenkhat te chenna in kawtah lungawi lohna hi an lantir bawk.

JCILPS Women Wing hruaitu Thongam Apabi chuan zawhna siamin, "Eng vanga political par-ty hruaitute chu sorkar laipui thuneitute dawr tura Delhi pan lo nge an nih? Kan harsatna tawh mek hi President leh Prime Minister te sawipui turin kan phut a ni", a ti. Inbiakna mumal tak a awm theih nana 'torch rally' buatsaih leh an tum thu sawiin, mipuite chu an hmalakna thlawp tura an ngen thu a sawi.