Assam chu “poverty-free” state a la ni ang : Sonowal

Assam Chief Minister thar, Sarbananda Sonowal chuan Assam chu mi rethei awm lohna, “poverty-free” state a la nih tur thu a sawi.

Sonowal chuan, "Assam-ah hian hnam hrang hrang leh sakhaw hrang hrang hnung zuitu kan cheng a, inlungrual taka kan thawhho theih chuan “poverty-free” state a la ni thei ngei ang" a ti. Assamese, Bengalis, Rabhas, Marwaris leh midangte inkarah thawh-hona ṭha a awm phawt chuan nasa taka an state-in hma a sawn tur thu a sawi bawk. Prime Minis-ter Narendra Modi chu sorkar an siam theih nana mi pawimawh a nih thu Sonowal chuan a sawi a, hmarchhak hmasawnna duhtu a ni, a ti. Thawhhona ṭha chungchang a sawinaah hian an party Bharatiya Janata Party (BJP), Bodoland People’s Front leh Asom Gana Parishad te thawhhona chu a tarlang tel zauh bawk.