AP ṭanpui nan vaibelchhe 84.33 pe dawn

Tunhnaia Arunachal Pradesh-a ruah sur nasa tak avang chhiatna hrang hrang thleng te ṭanpui nan sorkar laipui chuan cheng vaibelchhe 84.33 a pe dawn.

Arunachal Pradesh-ah hian ruah nasa taka a sur avangin lei a min nasa hle a, hmun ṭhenkhatah chuan tui lian avangin harsatna nasa tak an tawk bawk. Sorkar laipui chuan chhiat tawk te chhawmdawl nan hian state sorkar hnenah vaibelchhe 84.33 pek a rem-ti tawh a, heng zinga vaibelchhe 18 hi National Rural Drin-king Water Prog-ramme (NRDWP) chuan a tum dawn a ni. AP bakah hian sor---kar laipui chuan Kar--na--taka leh Puducherry te chu chhawm- dawlna a pe ve bawk.

Union Home Minister Rajnath Singh hoin hemi chungchang ngaihtuah hian high-level committee meeting neih a ni a, chhawm-dawlna pek hi a an remti ta a ni. Committee chuan chhiatna thlenna hmun hrang hrang te endik tur hian Central team te chu Karnataka, Puducherry leh Arunachal Pradesh-ah te hian a tir a ni. Central team hian high-level committee hnenah report an pe lut tawh a, committe chuan a pawmpui tawh bawk. Meeting-ah hian Union Finance Minister Arun Jaitley, Agriculture Minister Radha Mohan Singh, Union Home Secretary Rajiv Mehrishi leh Ministries of Home, Finance leh Agricul-ture aiawh te an tel a ni.

Sorkar laipui chuan state 10 zet te khawkheng leh tui lian avanga harsatna nasa tak an tawh avangin chhawmdawlna cheng vaibelchhe 10,000 a pe chhuak tawh. Heng zingah hian Maharashtra leh Karnataka pawh an tel a, hmarchhak state Arunachal Pradesh chu chhawmdawlna pek zingah hian a tel ve leh ta a ni.