Assam minister thar te chanpual siam

Assam Chief Minister Sarbananda Sonowal leh a Cabinet Minister te chuan nimin khan Brahmaputra Guest House, Kharguli-ah meeting an nei a, minister te deparment chanpual siam a ni.

Chief Minister hian Home Department a chang dawn a, hei bakah hian Political, Personnel, Power, Social Welfare, Judicial Legislative Law, Administrative Reform and Training, Implementation of Assam Accord, Hill Areas Development, Welfare and Minorities Development, Border Area Development, Revenue leh Disaster Management te a chang tel bawk ang.

Finance Department chu Himanta Biswa Sarma'n a chang dawn a, Planning and Development, Health and Family Welfare, Education (Higher, Secondary and Elementary), Tourism, Handloom and Textile (Khadi and Village Industry), GDD, Cooperation leh Pension and Public Grievances te a kawp bawk ang. Asom Gana Parishad (AGP) aṭanga minister pahnih Atul Bora leh Keshav Mahanta te chuan deparment pawimawh an chang thei dawn a, Bora hi Agriculture, Horticulture and Food Processing, Animal Husbandry and Veterinary, UDD leh Town and Country Planning te chang tura tih a ni. Water Resources Department, Science and Technology leh Information Technology department te chu Mahanta hian a chang dawn bawk a ni.

Congress sorkar laia Agriculture Minister te pawh lo ni tawh Pramila Rani Brahma chu Environment and Forests, Soil Conservation, Welfare of Plain Tribes and Backward Class bakah Mines and Minerals deparment chang tura tih a ni. Amah bakah hian Congress sorkara minister hna lo chelh tawh ṭhin tho Rihan Daimary chuan a lo enkawl tawh ṭhin Public Health Engineering, Food and Civil Supply leh Consumer Affairs deparment te a chang leh dawn a ni. Parimal Suklabaidya chuan PWD (Roads and Buildings, NH), Fisheries leh Excise te a enkawl ang.

Irrigation, Handloom and Textile and Sericulture (excluding Khadi and Village Industry) te chu Ranjit Dutta an a enkawl ang. AGP sorkar lai kum 1985 leh 1996 vela minister lo ni tawh ṭhin Chandra Mohan Patowary chu Commerce, Industry, Transport leh Parliamentary Affairs te enkawl tura tih a ni bawk. Naba Kumar Doley chuan Panchayat and Rural Development, Sports and Youth Welfare, Cultural Affairs leh Social Welfare te a enkawl dawn a, Labour and Employment, Tea Tribes Welfare and Revenue, Disaster Management leh Power te chu Pallab Lochan Das'n a enkawl dawn bawk a ni.

Minister te chanpual

Chief Minister Sarbananda Sonowal : Home, Political, Personal, GAD, SAD, Administrative Reform & Training, Election, I&PR, Border Area Development, Revenue and DM, Social Welfare, Judicial Legislative Law, Welfare and Minorities Development, Hill Areas Development, Printing and Stationary, Power, Implementation of Assam Accord.

Himanta Biswa Sarma : Finance, Planning Development, Health & Family Welfare, Education,Tourism, Handloom and Textile, GDD, Cooperation, Pension and Public Grievances.

Atul Bora : Agriculture, Horticulture, Food Processing, Animal Husbandry and Veterinary, UDD and Town & Country Planning.

Pramila Rani Brahma : Environment & Forest, Soil Conservation, Welfare of Plain Tribes and Backward Classes, Mines & Minerals.

Keshab Mahanta : Water Resources, Science & Technology, Information Technology.

Parimal Suklabaidya : PWD, Fisheries and Excise.

Ranjit Dutta : Irrigation, Handloom, Textile, Sericulture

Chandra Mohan Patowary : Commerce & Industry, Transport, Parliamentary Affairs.

Rihon Daimary : Public Health Engineering, Food and Civil Supply and Consumer.

Minister of State

Naba Kumar Doley : Panchayat and Rural Development, Sports & Youth Welfare, Cultural Affairs, Social Welfare

Pallav Lochan Das : Labour and Employment, Tea Tribes Welfare, Revenue, DM, Power.

Minister zingah mi hausa an tam :

Minister 11 zinga mi pakua te chu mi hausa tawntaw (crorepatis) an ni a, minister te hausakna hi chawhrualin mi pakhatin cheng vaibelchhe 2.67 zel nei ang an ni phak a ni.

Assam Election Watch and Association for Democratic Reforms report-in a tarlan dan chuan sorkar thara minister zingah hian 82% zet mi hausa tawntaw (crorepati) an awm nia tarlan a ni. An zingah hian State Minister Naba Kumar Doley chu a hausa ber a, inthlan neih zawh takah khan BJP ticket-in Dhakuakhana bial aṭanga hneh taka thlan tlin a ni. Mahse Kumar Doley hian criminal case a nei mek a, inthlan dawna affidavit a pek luhah thil dik tawk lo a awm nia hriat a ni bawk. Naba Kumar Doley-a thil neih hlut zawng chu vaibelchhe 7.30 anga chhut a ni a, ani bakah hian Himanta Biswa Sarma (vaibelchhe 6) leh Rihon Daimary (vaibelchhe 3) te chu a sang pathum zingah an tel a ni.

Minister zingah Dholai bial aṭanga thlan tlin Parimal Suklabaidya thil neih hlut zawng chu hniam berin, a thil neih hlut zawng hi nuai 37.92 anga chhut a ni a, Pallab Lochan Das (nuai 54) leh Keshab Mahanta (vaibelchhe 1) ten an dawt a ni. Himanta Biswa Sarma, Rihon Daimary leh Chandra Mohan Patowary te chu thlabi-a sum lalut tam zual te an ni bawk.