Army chief-in Manipur tlawh

Manipur-a hel pawl tu tih hriat loh ten Assam Rifles te an lambun hnuah Chief of Army Staff General Dalbir Singh leh GOC Eastern Command, Lt Gen Praveen Bakshi te chuan Nilaini khan Manipur an pan ve leh.

Kar kalta Pathianni khan 29 Assam Rifles te chu Chandel district-ah hel pawl tu tih hriat loh te chuan an lambun a, Junior Commissioned Officer leh midang panga in nunna an chan a ni. Vanduaina tawka nunna chan te hi an chenna khua ṭheuh panpui an ni tawh a ni.

Chief of Army Staff General Dalbir Singh leh GOC Eastern Command, Lt Gen Praveen Bakshi te chuan Nilaini khan 29 Assam Rifles headquarters Joupi chu an tlawh a, thil pawimawh hrang hrang an sawiho dawn a ni. Army chief chuan thil thlen dan kimchang a sawipui a, Assam Rifles te beihna-a inhnamhnawihte chu zawn chhuah ngei an ni ang, a ti. Gen Daljit pawhin pawi khawihtute chu man chhuah an nih tur thu a sawiin, thi chhungte hnenah zangnadawmna pek a ni ang, a ti. He thil thlenga mawhphurtute hi hriat chhuah la ni lo mah se Manipur-a pawl lian tak pakhat CorCom te chu a bultumtu niah ngaih an ni.