Bodo leh Karbi-te ST status pek an ni

Union Cabinet te chu nimin khan Prime Minister Narendra Modi hoin an ṭhukhawm a, Scheduled Tribe Status pek chungchang an ngaihtuah.

Official-in a tarlan dan chuan Union Cabinet meeting chuan Constitution(Scheduled Tribes) Order, 1950 siam ṭhat chung-chang chu ngun taka an ngaihtuah hnuah, Assam, Chhattisgarh, Jharkhand, Tamil Nadu, Tripura leh Puducherry-a Scheduled Tribes list siam ṭhat a remti. Assam-a Bodo, Boro Kachari leh Karbi (Mikir) hnam te chu Union Cabinet chuan Scheduled Tribe status pek a remti ta a ni. Bodo te hian hun rei tak chhung chu ST Status pek phut hian sorkar an lo kar tawh a, an hlawhtling ta a ni. Bodo, Boro Kachari leh Karbi (Mikir) hnam te hi Assam-a Dima Hasao leh Karbi Anglong district-a cheng te an ni.