Assam-a kawng chhawng siamna tur lungphum phum

Assam state-a kawng chhawng thui ber siamna tur lungphum chu chief minister Sarbananda Sonowal chuan Thawhṭanni khan a phum. 

Flyover siam hna hi Durga Puja zawh aṭangin thawh ṭan a ni dawn a, kum hnih chhunga zawhfel  tum a ni. A siam hna hi PWD (Roads) department-in a thawk dawn a, Guwahati khawthlang lam Maligoan aṭanga Kamakhya Gate inkarah siam niin, km 3-a thui tur a ni a, a siamna senso atan hian cheng vaibelchhe 420.75 ruahman a ni. 

Kawng chhawng siam tur hi Maligoan aṭanga siam ṭanin, Kamakhya temple gate-ah a tawp dawn a, Nilachil hill-a kawngpui siam mek a pawh bawk ang. Guwahati Airport leh Kamakhya temple inkar kal duhte tan a awlsam phah dawn hle a ni. 

PWD minister Himanta Biswa Sarma chuan kawng chhawng siam tur hi Guwahati leh Assam tan chauh ni lo, hmarchhak bial pum tana thil ṭangkai tak tur a nih thu a sawi. Flyover hi hman theih a nih hunah chuan Guwahati khawpui chhunga traffic tawt lutuk pawh a tihziaawm phah dawn a ni, a ti.  Minister chuan Guwahati-a Arya Vidaypeeth College chungah kawng chhawng siam tum a ni bawk tih a sawi.