State chhunga LP school-te tichangtlung dawn : Meghalaya CM

Meghalaya chief minister Conrad Sangma chuan an state chhunga lower primary (LP) school infrastructure thuam ṭhat  a, tih changtlun zel tum a nih thu sawiin, hemi atan hian sorkar chuan cheng vaibelchhe 500 dawn a ruahman thu a sawi.

 

"Educational institution-te thuam ṭhat leh tihchangtlun hian zirlai leh zirtirtuteah nghawng ṭha tak a siam dawn a ni," tiin CM chuan North Garo Hills-a Bajengdoba Higher Secondary School building thar a hawnnaah a sawi. He school building sakna hi Asian Development Bank (ADB) in a project 'Supporting Human Capital Development Project in Meghalaya' hnuaia a tumsak a ni. 

Sangma chuan a kaihhruai MDA sorkar chuan zirna chu a dah pawimawh ber a nih thu sawiin, state chhunga school hrang hrangah infrastructure leh zirna ṭha zawk a awm theihna atan theihtawp a chhuah tih a sawi.