Kum 2022-ah AP-ah Greenfield airport zawh hman tum

 Airports Authority of India (AAI) chuan Arunachal Pradesh khawpui, Itanagar aṭanga km 15-a hla, Hollongi-ah greenfield airport siam tur chu kum 2022, November thlaah zawh hman tum a nih thu a sawi. 

Thuchhuah siamin, AAI chuan airport project atana sum ruahman hi cheng vaibelchhe 650 a nih thu leh, hei hian square meter 4,100-a zaua terminal building siam tur pawh a huam tel thu a tarlang. 

Terminal building-ah hian check-in counter pariat a awm dawn a, peak hour laiin khualzin  200 vel an buaipui thei dawn a ni. 

Airport siamna tur atan hian field survey neih zawh a ni tawh a, a hmunhma tihfai hna pawh thawh mek a ni. 

Itanagar huam chhungah hian airport a la awm lo a, a hnaih ber chu Assam-a Lilabari airport niin km 89 vela hla a ni a, motorin darkar thum chhung vel kal a ngai a ni.