Manipur : Governor-in tuilian tuarte ṭanpui a tiam

Manipur governor Anusuiya Uikey chuan Khuman Lampak Sports Complex, Imphal East-a tuilian vanga sawn chhuahte awmna a tlawh a, tuilian tuarte chu ṭanpuina pek ngei a tiam. Tuilian vanga harsatna tawkte hian kar khat chuang an in leh lo an chhuahsan tawh a ni.

Imphal phairuam hian tuilian vangin harsatna nasa tak a tawk a, nunna chan an awm bakah in leh lo chan tam tak an awm a ni. Governor Uikey chuan tuilian tuarte chu a lainat thu sawiin, anmahni ṭanpuina tur pawh buaipui mek niin an hnen a thleng thei ṭep niin a sawi. Manipur chief minister leh chief secretary te chu ṭanpuina pek dan tur a sawipui tawh tih a sawi bawk.

Manipur tuilianin a tihchhiatte chhut chian hna leh, tuilian tuar chhungkaw hrang hrang mamawh zirchian chu district thuneitute kutah dah a ni. Manipur Governor hian Imphal East-a chhawmdawlna in a tlawhah hian mi 138 awm mekin, Raj Bhavan leh state sorkar in a tih theih apiang an tan tih a tiam a ni. Uikey hian chhawmdawlna in a tlawh zawh hian tuilianin a tihchhiat hmun hmate a tlawh bakah, National Disaster Response Force (NDRF) a thawkte nen inhmuin an hnathawh chu chhuanawm a tih thu a sawi a ni.