Meghalaya-ah electric in en chhawk ngai tawh lo

Meghalaya power minister AT Mondal chuan an state chhung êng dinhmun a ṭhat chhoh tawh avangin state chhung mipuite hnenah inen chhawk a ngai tawh dawn lo tih a puang.

Cyclone Remal tleh khan Meghalaya chhunga êng pek chhuahna hmanraw pawimawh tak tak a tihchhiat nual avangin tun hnaiah state chhungah êng an nei ṭha lo a ni. Mondal chuan thlipui tleh khan êng pek chhuah kawngah harsatna a siam thu sawiin, tun hnaia inen chhawk a ngaih chhan pawh êng pek chhuahna hmanrua siamṭhat a ngaih vang a nih thu a sawi. Power Minister chuan hmun ṭhenkhatah line chiang lo a awm avangin Meghalaya Energy Corporation Limited (MeECL) chuan loh theih lohin êng pek chhuah an ti tawp ṭhin tih a sawi bawk.

Mondal chuan thirban tlu, line chhe siam leh sub-station ṭhenkhat MeECL chuan an thawm ṭha tih sawiin, heng hna an thawh theih nan hian êng pekchhuah tihtawp chu a ngai tih a sawi. MeECL hian thlipui tlehin a tihchhiat hlut zawng an la zirchiang mek a ni. Power minister chuan Meghalaya chhungah êng indaih lohna a awm tawh lo a, sorkar chuan mipuite chu inen chhawk tir a tum tawh lo tih a sawi.