Sikkim : Sorkar thar lak luh a ni dawn

State assembly inthlan neih zawh takah khan Prem Singh Tamang-Golay kaihhruai Sikkim Krantikari Morcha (SKM) chu hneh taka thlan tlin niin, naktuk June 9, Pathianni hian Sikkim sorkar thar lak luh a ni dawn. SKM hian Sikkim-a assembly seat awm 32 aṭangin seat 31-ah hnehna an chang a ni.

Sorkar thar lak luhna leh thutiam lakna hun hi Paljor Stadium, Gangtok-ah neih a ni dawn a, kum 2019-a Prem Sing Tamang-Golay kaihhruai sorkar hmasa zawk lak luhna hun pawh helai hmunah hian hman a ni.

Sikkim chief minister PS Tamang-Golay chuan Paljor stadium a sorkar thar lak luhna hun hman a nih tur chhan sawiin party tana thawkte leh mipuiten an duh vang a ni, a ti. CM hian hmarchhak state dang chief minister-te chu sorkar lak luhna hunah hian telpui turin a sawm dawn tih a sawi bawk.

Sikkkim CM hian India prime minister Narendra Modi leh union home minister Amit Shah bakah BJP member zawng zawngte a lawmpui thu a sawi a, NDA chu ramchhung mipuiten sorkar leh tlaka an ngaih vanga thlang tling an ni, a ti.