Sikkim sorkar thar lak luh hun sawn

Sikkim sorkar thar lak luh hun atana ruat June 9, Pathianni an lo ruat tawh chu remchan zawkna avanga sawn niin sorkar thar chu vawiin hian lak luh a ni zawk ang. Sikkim-ah hian state assembly inthlan leh Lok Sabha inthlan a ruala neih niin Sikkim Krantikari Morcha (SKM) party chu hneh taka thlan tlin an ni.

Sorkar thar lak luh hun sawn a nih thu hi chief minister chenna ina SKM legislature party meeting neih zawha puan niin, June 9 hian Sikkim CM Prem Sing Tamang-Golay chuan Modi sorkar thar lak luh inkhawm a telpui dawn vangin Sikkim sorkar thar lak luh hun hi an sawn a ni. SKM legislature party meeting hian Narendra Modi chu Prime Minister atan lungrual takin an pawm bawk. Sikkim CM Tamang chuan Modi leh NDA chu hnehna an chan vanga a lawmpui thu sawiin, India ramin hma a sawn zel nan SKM chuan NDA chu an thlawp dawn tih a sawi.