Assam-ah helpawl vanga buaina kum thum chhung a chhuak tawh lo : Assam CM

Assam chief minister Himanta Biswa Sarma chuan Assam sorkar hmalakna zarah kum thum chhung remna leh muanna an nei tawh tih sawiin, state sorkar hmalakna chu lawmawm a tih thu a sawi.

Chief Minister Himanta chuan helpawl hrang hrangin an ralthuam tunga nunphung pangngai an zawh theih nan sorkar chuan hma a la a, sorkar laipui puihna an dawng ṭha tih a sawi bawk. Heng hmalakna avang hian Assam chuan kum thum chhung helpawl vangin buaina an nei tawh ngai lo tiin, Assam chhungah remna leh muanna a awm chu lawmawm an tih thu a tarlang.

CM chuan kum 2021 hnu lama inremna an siampui tawh helpawl hrang hrangte tarlang bawk a, state sorkar leh sorar laipuiin Assam a helpawl zinga inremna an neihpuite chu Karbi helpawl (KLNLF, KPLT, PDCK, leh UPLA), Adivasi kalfawr pawl (APA, AANLA, ACMA, BCF, leh STF), Dimasa helpawl (DNLA) bakah ULFA nen pawh inbiakna an nei mek bawk.

Himanta chuan kum 2020-a National Democratic Front of Bodoland (NDFB) helpawl nen an inremna vangin NDFB mi leh sa 9,583 lai chuan an ralthuam an tung tih a sawi. Assam-ah hian Armed Forces Special Powers Act (AFSPA) dan hnuaia district dah pawh a tlem sawt tih sawiin, district pali chauh AFSPA hnuaiah hian dah a ni tawh a ni, a ti.