Meghalaya Congress hruaituin Assam CM a chhang let

Meghalaya Congress hruaitu, Manuel Badwar chuan Assam chief minister Himanta Biswa Sarma thusawi chhang letin politics leh sakhuana thliar hran thiam a ngai tih a sawi.

Assam CM hian hmarchhak state pathum- Meghalaya, Manipur leh Nagaland a National Democratic Alliance (NDA) chak loh chhanah sakhaw pakhat vuantuten BJP an duh loh vang a ni tih a sawi a, eng sakhaw vuantute nge tih sawi lang lo mahse heng state pathum hi Kristian tamna state a nih vangin Kristian sakhaw vuantute chuan an helh hle a ni.

Congress hruaitu Badwar chuan Assam CM thusawi chu inṭhenhranna thlen thei thil a nih tih sawiin, hmarchhak huam chhunga BJP tlak chhiat lantirtu a ni bawk, a ti. CM-in sakhaw dang zuitute leh an rindan chungchang a sawi danah thil ngaihtuah chiang hmasa loin a sawi tih a chiang hle a ni, tiin Himanta chu hruaitu ṭha tak nia a hriat loh thu leh, BJP chu Assam mai bakah India ram pumah an tlachhia tih a sawi bawk.