NEC Plenary session vawi 65-na nei

North Eastern Council Plenary session vawi 65-na chu Meghalaya khawpui, Shillong-ah neih a ni a, Development of North Eastern Region (DoNER) minister Jitendra Singh chuan he hun hi a hmanpui.

Nimin zing khan technical session hun hman a ni a, sawihonna hun hawn a ni bawk. Sawihona hunah hian agriculture, rural development, food processing leh textile sector chungchang chu kalkhawm te chuan an sawiho a ni. NEC Chairman Jitendra Singh leh hmarchhak state chief minister te chu he hunah hian an tel a ni.

Hmarchhak state Governor te leh Chief Minister intel klhawm te chuan an thil tum hrang hrang te a hlawhtlin theih nan North Eastern Council (NEC) budget tipung turin sorkar laipuiah ngenna an thlen. Ningani khan hi hemi chungchang hi plenary session-ah sawiho a ni a, he hunah hian hmarchhak state Assam, Arunachal Pradesh, Meghalaya, Manipur, Nagaland, Sikkim leh Tripura chief minister te an tel a ni.

DoNER minister Singh chuan NEC budget, cheng vaibelchhe 700 chu hma lak tak tak dawn chuan a beitham hle niin a sawi a, DoNER ministry tana kum kaltaa budget Finance Ministry-in a pek vaibelchhe 200 pawh a duh khawp loh thu a sawi. Meghalaya chief minister Mukul Sangma leh Nagaland chief minister T.R. Zeliang te chuan NEC budget chu a beitham hlea an hriat thu an sawi ve bawk.

Singh chuan."NEC tan hian budget pawh vaibelchhe 700 aṭangin vaibelchhe 900-ah tihpun a ni a, tunah hian Union Finance Ministry-ah proposal thawn leh mek a ni" a ti. North Eastern Council Plenary session hi nimin khan Polo Ground-ah a ṭiak a, a chhim tur hian Ministry of Home Affairs, Inland Waterways Authority of India, Health and Family Welfare, External Affairs leh Drinking Water and Sanitation te chuan aiawh an tir a ni. Prime Minister Narendra Modi chuan he hunah hian thu a sawi ve bawk.