Assam-in hmarchhakah sorkar laipui chhiah sem dawng hnem ber

Narendra Modi kaihhruai sorkar thar chuan Thawhṭanni khan tax devolution installment, June thlaa mi tur a sem chhuak a, hmarchhak state zingah Assam chuan dawng tam berin Sikkim chuan a dawng tlem ber.

Sorkar laipuiin chhiah a khawn khawm aṭanga 41% hi state tan a sem chhuak leh ṭhin a, vawi khatah a vaia pe chhuak loin sorkar kum khat chhungin vawi 14 a pe chhuak ṭhin a ni. Thawhṭannia sorkar laipuiin chhiah a sem chhuah hi Rs vbc 1,39,750 niin India ram state hrang hrang tan sem darh a ni. Hmarchhak state hrang hrang chan belhkhawm hi sum sem chhuah zawng zawng aṭanga 8.53% chauh a ni pha a ni.

Hmarchhak state zingah Arunachal Pradesh chu chhiat sem dawn tam lamah pahnihna niin, heng sum hmang hian China nena inri state-ah hian hmasawnna ruhrel ṭangkai tak tak din a nih beisei a ni. Arunachal hi Meghalaya in dawtin an hnuaiah hian Manipur, Tripura, Nagaland, Mizoram leh Sikkim an awm. India rampumah Uttar Pradesh chuan dawng tam berin Rs vbc. 25,069.88 an dawng a ni.