Corcom te insawifiah

Manipur-a underground pawl paruk intelkhawm, Coordinating committee (corcom) chuan May 22-a 29 Assam Rifles te Chandel district-a Hengshi khua lambun an nih chungchanga mawhphurtua puh an nihna chu an sawifiah.

Corcom te insawifiahna hi phek thum zet a ni a, an media coordinator K. Yonheiba chuan,"Lambunna chu corcom joint military council kaihhruaina hnuaia hel pawl inzawmkhawm te thil tih a ni" a ti. Kha pawikhawihna-a bultumtu te kha Yening an ni a, 29 Assam Rifles mi leh sa paruk zet an thah bakah mi eng emaw zat an hliam hnuah camp an thleng leh tawh a ni, a ti. Machine gun (1), INSAS rifle (1) leh AK-56 rifles (4) an la bawk niin K. Yonheiba chuan chuan a sawi. Hei bakah hian Yonheiba chuan he thil thleng chungchanga media report te chu belhchian dawl lo niin a tarlang bawk.

Corcom hi October 5, 2012 khan Kangleipak Communist Party, Kanglei Yawol Kunna Lup, People’s Revolutionary Party of Kangleipak, People’s Revolutionary Party of Kang-leipak (Progressive), Revo-lutionary People’s Front, United National Liberation Front leh United Peoples Party of Kangleipak ten an din a ni.