Army Havildar vui liam

Army Havildar Hang-pan Dada chu Zirtawpni khan Jammu & KashmirJammu & Kashmir-a Kupwara district-a inkah-na thlenga nunna chan pali zingah telin, Pathianni khan vuailiam a ni.

Havildar Hangpan Dada hi kum 36 mi a ni a, 4 Assam Regiment
ṭanglai niin, Zirtawpni khan Pakistan ram luah chin Kashmir-ah hel te nen nasa takin an inkap a ni. Hel te hian India luh an tum nia hriat a ni a, Assam Rifle te nen hian inangchingin an inkap zui ta a ni.

He thil thlenga nunna chan Havildar Hangpan Dada hi an chenna hmun Arunachal Pradesh, Tirap district-a Khonsa chu IAF helicopter hmangin Inrinni khan panpui nghal a ni. Dada chhung te bakah amah lainattu ṭhahnem tak pumgkhawm zingah hian Arunachal Pradesh Chief Minister Kalikho Pul, Cabinet Minister leh MLA eng emaw zat an tel a, Pathiannni vek khan zahna lantir a nih hnuah vui lian a ni ta a ni.

Deputy Chief Minister Kameng Dolo chuan, "Ram chhan nana nunna hlan tluka hlu a awm lo a, sawifiah thiam mai chi pawh a ni hek lo" tiin amah thlahna hunah thu a sawi. Ram leh hnam tana nun hlan te chuan ṭhang thar lo awm zel tur te tan hma an hruaisak a, zahna lantir hi an phu a ni, Dolo chuan a ti.

Education Minister Lowangdong “Hangpan Dada hian zah a phu a,
ṭhangthar lo awm zel tur te tan chona nasa tak a siam a ni, engtikah mah kan theihnghilh ngai tawh lo ang" a ti ve bawk. Chawi-mawina ropui Ashok Chakra chu a tan hian an dilsak dawn tih a sawi.

Chief Minsiter paih-thlak tak Nabam Tuki pawhin martar Hangpan Dada chu a ngaihsan thu sawiin, ram leh hnam tana nun chan ngam mi huaisen a ni a ti a, an state tihmingṭhatu a nih thu a sawi bawk.