Edu Deptt ṭhen hran theih loh: Nagaland Minister

Nagaland-a School Education Deparment ṭhenhran ngiat avanga All Nagaland School Teachers Association (ANSTA) lehNagaland Secondary Schools Field Offi-cers’ Federation (NSSFOF) te lungawi lohna an lantir hnuah Inrinni khan hemi chungchang hi Oriental Grande, Kohima-ah sawiho a ni.

ANSTA leh NSSFOF te hian Higher Secondary chu Secondary leh Elementary aṭanga indan an ngiat a, sorkar kar nan hun eng emaw chen chu an nuar tawh a ni. Inrinni-a sawihona hun hmanah hian Nagaland School Education Administration Officers Association (NSEAOA), All Nagaland Hindi Teachers’ Union (ANHTU), Nagaland Rashtriya Madhyamik Shiksha Abhiyan Teachers Association (NRMSATA), Nagaland Sarva Shiksha Abhiyan Teachers’ Association (NSSATA), All Nagaland Physical Educa-tion Teachers Association (ANPETA), All Nagaland Gra-duate Primary Teachers’ Association (ANGPTA) leh Nagaland Government Higher Secondary School Employees’ Association (NGHSSEA) aiawh te an tel a. Sorkar lam aṭangin School Education & SCERT minister FP Solo, Commissioner leh Secretary bakah School Education officer te an tel a ni.

School Education & SCERT minister FP Solo chuan “ANSTA leh NSSFOF te thil phut Secondary leh Elementary aṭanga Higher Secondary deparment a hrana dah chu thil theih loh a ni, kawngdang dap zawk rawh u" a ti. Education deparment
ṭhen darh chu thil theih loh hul hual a nih thu sawiin, rawtna hran siam zawk turin FP Solo chuan ANSTA leh NSSFOF te chu a ngen a ni.

Zirtirtu hmasa te zingah pawl 10 pawh pass lo eng emaw zat an awm a, tuna mite erawh graduate deuh vek an ni tawh, a ti bawk. Yitachu chuan ANSTA ten lungawi lohna an lantir chu an tihtawp a beisei tih sawiin, education deparment ṭhen hran chuan nghawng
ṭha lo zawk a nei thei a ni, a ti.

School Education Addi-tional Director (HoD) Won-thungo Tsopoe chuan, thu-tlukna siam a nih hmain ngun taka ngaihtuah a nih tur thu sawiin, tun maiah chuan an thil phut chu sorkar tan tih hlawhtlin theih a ni rih lo a ni, a ti ve bawk. ANPETA aiawh chuan naupang te hmakhua ngaia nawrh titawp turin ANSTA leh NSSFOF te chu a ngen a ni.

Sawihona hunah hian Hindi teacher, Physical Education teacher, Vocational teacher leh Primary teacher chungchang sawitel a ni bawk. ANSTA leh NSSFOF te hian May 24 aṭang khan a huhoin chawlh an la a, sorkarin an thil phut a tihhlawhtlin sak mai loh chuan lungawilohna hi lan tir zel an tum thu an lo sawi tawh a ni.