Tripura-ah Assembly speaker meet nei

Hmarchhak state Assembly speaker meet ni hnih awh chu nimin khan Tripura-ah ṭan a ni a, vawiin-ah an ṭiak ang.

He meet-ah hian speaker te chuan, parliamentary democracy chungchang sawiho bakah, Lok Sabha leh Rajya Sabha presiding officer te nen inkawmhona hun an hmang bawk.

Lok Sabha Speaker Sumitra Mahajan chuan Thawhṭanni khan Tripura hi a thleng a, North East Region Commonwealth Parliamentary Association (NERCPA) conference hi a hawng nghal a ni. He con-ference hi hmarchhak state pariat assembly speaker leh deputy speaker te tana buatsaih a ni.

Lok Sabha Deputy Speaker, senior All India Anna Dravida Munnetra Kazhagam leader M. Tham-bidurai, Rajya Sabha Deputy Chairman P.J. Kurien leh Lok Sabha Secretary General Anoop Mishra te chuan he hun hi an hmanpui a ni. NERCPA-ah hian Meghalaya assembly Speaker Abu Taher Mondal chu chairman a ni mek.

He meetingah hian hmar-chhak state pariat aṭangin state pasarih aiawh te an kal a, Tripura governor, chief minister leh parliamentary affairs minister te chuan an hmanpui ve bawk. Assam-a
ṭangrual sorkar chuan speaker leh deputy speaker a la ruat fel loh vangin MLA leh Miniser eng emaw zat chuan he hun hi an hmanpui a ni.

Meeting-ah hian leilung luang ral chungchang te, ram kang avanga ramngaw chereu nasa lutuk chungchang te an khel bawk a ni. Tripura assembly Speaker Ramendra Chandra Debnath chuan, All India Presiding Officers’ Conference, vawi 78-nain a tarlan angin, India rama state lian te chuan kum khatah assembly session chu ni 100 tal a nei ang a, state te a bikin hmarchhak state te chuan ni 60 an neih ṭhinb tur a ni, a ti. Mahse tun dinhmunah a bikin hmarchhak state te chuan session hi chawhrualin ni 20-25 vel nei ṭhin ang a nih tih sawiin, "Issue lian tham leh thu khel tur hrawl tak te Assembly-ah hian a awm
ṭhin lo a ni" a ti.