SC thutlukna pawm theih a ni lo - UNTABA

United Naga Tribes Association of Border Areas (UNTABA) thuchhuah chuan Assam-Nagaland border buaina chungchanga Supreme Court thutlukna chu an pawm theih loh thu an sawi.

UNTABA president Hukavi Yeputhomi leh general secretary Imsungmongba Pongen te chuan Assam-a AGP sorkar hunlai, 1988 vela Nagaland leh Assam inrina chungchanga thubuai ziah luh hun rei tak chhung tih khawtlai a ni chu pawi an ti tak zet tih an sawi. UNTABA chuan inter-State boundary chungchangah hian India danpui Constitutional provisions of Articles 3 & 4-in a tarlan angin, parliament chauhin thuneihna a nei a ni an ti a, hei hi Point No 12 & 13 of the ‘16 Point Agreement’ of 1960-ah chiang taka tarlan a ni an ti bawk.

United Naga Tribes Association of Border Areas te chuan 'boundary issue' chu “Naga political issue' nen thuhmun a ni, ṭhenhran theih a nilo an ti. UNTABA hmalaknain 'Peoples’ Dialogue – II’ June-ah emaw July-ah emaw buatsaih a nih tur thu an tarlang bawk.