Manipur Congress hruaitu hluiten BJP an zawm

By-election nei tura inbuatsaih mek, Manipur-ah chuan Congress party hruaitu hlun ṭhenkhatin an party an chhuahsan hnuah, Thawhṭanni khan BJP an zawm. 

BJP zawm thar zingah hian chief secretary hlui leh Manipur-a Congress MP candidate O Naba­kishore, Congress vice president hlui Mangi leh minister hlui A Biren-te an tel. 

CM leh state BJP hruaitu N Biren Singh chuan Imphal-a CM Secretariat-a an party-a lut mem­ber tharte hi a lo lawm a ni. 

"BJP chu state chhunga political lar ber leh mipuite ngaihsaktu ber a ni tawh a ni," tiin Chief Minister chuan a sawi. 

Congress party aṭang hian MLA paruk an bang a, mahse an zinga MLA pakaht Abdul Nadir erawh chuan BJP a zawm ve duh lo.