Sikkim : Eptu pawl hruaitu ṭhenkhat in beih a ni

Sikkim sorkar thar lak luh a nih hnuah state khawpui, Gangtok-a eptu pawl hruaitu ṭhenkhatte chenna in chu beih niin boruak a sosang hle. Sorkar thar lak luhna leh thutiam lakna hun hman zawh a nih hnu lawkah eptu hruaitute in hi lung hmanga vawm a ni.

Sikkim police-ten an tarlan danin, Sikkim Democratic Front (SDF) MLA hlui pahnih Mechung Bhutia leh Norzang Lepcha te chenna in, Burtuk-a mi chu beih niin India football captain hlui, Bhaichung Bhutia chenna in Lumsey-a mi pawh in beih a tawk bawk. Eptu hruaitute chenna in beitute hian hmai an tuam a, tute nge an nih chiang takin hriat theih a ni lo. Lung hmangin chenna in chu an vawm a, bungraw eng emaw zat an tichhia a ni.

SDF hruaitute mai ni loin independent MP candidate Nawin Kiran Pradhan chuan hetianga beihna hi a tawk ve bawk. Heng thil thleng avang hian Sikkim police chuan pawikhawina thlenna hmunah venhimna an tikhauh lehzual a, pawikhawihtute chhuizui hna hi an ṭan tawh bawk. SDF chuan an hotute chunga pawikhawihna thleng chu an dem takzet tih sawiin, Sadar Police Station, Gangtok-ah FIR an theh lut tawh tih an tarlang.