Lotha leh Rengma Hohos ten Total Bandh nei dawn

Nagaland-a Lotha Hoho leh Rengma Hoho te chuan June 10 aṭangin National Highway 2-ah total bandh an huaihawt tur thu an sawi.

Rengma Hoho presi-dent, Kenyuseng Tep leh Lotha Hoho chairman, Mhao Humstsoe te chuan total bandh an huaihawt chhuan sawiin, hun rei tak chhung NH 2, Tseminyu leh Wokha inkar zauhna National Highways Authority of Nagaland (NHAN) in a tihkhawtlai sak vang a ni an ti. He mi chungchangah hian May 26, 2015 khan joint memorandum NHAN-ah hian an lo theh lut tawh tih an tarlang bawk.

National Highways minister in charge chuan Hohos te hnenah hian kar hnih chhunga hnathawh ṭan a nih tur thu a hrilh a, mahseHohos te chuan ziaka dah thlap a nih loh chuan an pawm theih loh thuin an chang a ni. He hnathawh chungchangah hian induhsakna a nasat bakah eirukna a nasat avangin hna hi chhunzawm lohin a awm nia hriat a ni. Lotha Hoho leh Rengma Hoho te chuan duhthlan tur dang a awm chuang lo tih sawiin, NH 2 dan chah chu kawng ṭha ber nia an hriat thu an sawi a, June 10
aṭangin tiam chin awm loin total bandh hi an kalpui tur thu an sawi bawk. Bandh hi Pathianniah pawh kaltlangpui tur a ni a, paramilitary, media, medical duty, ambulance leh fire emergency service te erawh a huam lo ang.