Guwahati University zirlai 3 hnawtchhuak

Guwahati University-a zirlai pathum te chu univer-sity kalphung kalh zawnga chea puh an nih avangin hnawhchhuah an ni. Heng zirlaite hi University thunei-tute chuan an thil tihah hian thiam loh chantir an nih thu May 28 khan an puang a, University chhuahsan tura hriattir an ni.

Zirlai hnawhchhuah zinga mi Milton Handique chu dam chhung atan hrem a ni a, midang pahnih Rejaul Karim leh Writtick Saikia te erawh kum khat chhung hremna pek an ni thung. Handique leh Karim te hi law zirlai an ni a Saikia hian Jornalism a zir mek thung a ni. Enquiry commission chuan heng zirlaite hi thiam loh a chantir a, Handique hi Facebook-ah university question paper thla kal ta-a a lo post vang a ni. Heng zirlai pathum te hian RTI zawhna pawh department hrang hrang ah an file a, politics a inrawlh em tih zawhna a awm bawk. Hetih lai hian Handique hi Chatra Mukti Sangram Samiti(CMSS) ah member ni lai mek a ni a, Karim leh Saikia te chuan CMSS hi an chhuahsan thung a ni.