Assam-ah BSNL-in internet chak ṭha bik bun dawn

Bharat Sanchar Nigam Limited (BSNL) chuan Assam state-ah internet chak chungchuang bik super express telecom (internet) highway bun tuma hmalak mek a nih thu Thawhlehni khan a sawi.

BSNL Chief General Manager MK Seth chuan, Assam-ah hian BSNL chuan internet connection 200 Gbps pe turin hma a la mek a ni a ti a, peihfel a nih hunah chuan Assam chu internet high speed connectivity nei hmasa ber a ni dawn a ni, a ti. He ruahmanna hi a hlawhtlin hunah chuan state mipui bakah, vantlang mamawh leh dawr ṭhin State Bank of India bakah sorkar leh private office ten
ṭangkai takin an chhawr thei dawn a ni, a ti.

Ruahman dan chuan venhimna lama hmun pawimawh Karbi Anglong leh Dima Hasao te chu an ngaihpawihmawh tur a ni dawn a,State Bank of India branch 257 zet chu high bandwidth hmanga thuam an ni ang a, mipui te chuan chak zawk leh awlsam zawkin an dawr thei tawh dawn a ni. ATM bakah banking service zawng zawng chuan nasa takin hma a sawn a ni, tiin MK Seth chuan a sawi.BSNL chuan HSLC examination 2016-a ti ṭha te chawimawina hlan an nih tur thu leh Guwahati Blind HS School-a zirlai HSLC-a hlawhtlinna chang thar 10 te hnenah lawmpuina an hlan dawn bawk a ni.