Conrad K Sangma-an MHA a dawr

Tura Lok Sabha MP atana thlan thar Conrad K Sangma chuan New Delhi a pan a, sorkar laipui leh A’chik National Volunteers Council (ANVC) inremna thuthlung ziah chungchangah Ministry of Home Affairs (MHA) a dawr.

July 23, 2004 khan inremna thu-thlung hi ziah a ni a, sorkar laipui aiawh leh ANVC te chuan thla ruk atan an ziak phawt a ni. ANVC Chairman Dilash Marak leh Commander-in-Chief Jerome Momin te chuan remna thuthung hi New Delhi-ah ziakin, inremna hi pawhsei belh zel a ni.

Conrad chuan ANVC leh ANVC (B) ten inremna thuthung an ziah chungchanga thil hrang hrangte MHA official te a sawipui a, an dinhmun
ṭhenkhatte a sawifiah bawk. State sorkar chuan heng mite hnenah hian mumal takin stipend a pe theilo tih MHA official te a hrilh a, hmalakpui turin a sawm. Conrad chuan minor department Garo Hills Autonomous District Council (GHADC) a transfer chu zawhfel a la ni lo a ti a, hmalak zel dan tur chung-changah state sorkar leh Ministry of Home Affairs aiawh te chuan meeting an nei ngai lo niin a tralangh bawk.

Garo National Liberation Army (GNLA) mi leh sa eng emaw zat chu tunhnaiah sorkar kuta inpe an awm tih sawiin, Conrad chuan heng mite enkawlna mumal tak leh chhawmdawlna pek an nih loh chuan sorkar nena an inkarah boruak ṭha lo a hring chhuak mai ang tih a hlauhawm niin a sawi. Sorkar laipui leh state sorkar chu hemi kawngah hian ṭanrual a ngai tih sawiin, enkawlna leh chhawm dawlna mumal tak pek an nih chuan mi tam zawk sorkar kuta inpek duh an awm a rin thu a sawi.

Sorkar laipuiin Special Assistance Garo, Khasi leh Jaintia Hills councils tana a pek ṭhin chu Home Ministry ngawrh zawkin vil theise a duh thu sawiin, February 18-a state sorkar hnena sum a pek tawh, tun thlenga tih tihkhawtlai ala ni chu hriatthiam har a tih thu Conrad chuan a sawi bawk a ni. Conrad hi Rajya Sabha MP hlui Thomas Sangma, James Sangma leh joint secretary (NE) Satyendra Garg te chuan an ṭawiawm a ni.