Meghalaya State BJP ten Speaker hnenah ngenna thlen

Meghalaya State Bharatiya Janata Party (BJP) chuan Ningani khan India tana zalenna sualtu an state mi leh sa mi pathum U Kiang Nangbah, U Tirot Sing Syiem leh Pa Togan Sangma te chu Parliament photo gallery-ah an thalak dah ve turin an phut tih an sawi.

State BJP leh Lok Sabha Speaker, Sumitra Mahajan te chuan Raj Bhavan-ah meeting an nei a, an thil phut hi speaker hnenah hian an thlen a ni. BJP spokesperson, Basu Chakraborty chuan, "Zalenna sualtu hnam pasalṭha pathum U Kiang Nangbah, U Tirot Sing Syiem leh Pa Togan Sangma te thlalak chu parliament photo gallery-ah dah ve ngei ni rawh se tih chu kan duh dan a ni", a ti. Chakraborty chuan, Lok Sabha Speaker chu heng pasalṭha pathum ten India zalen nana an nunna an hlan dan leh an chanchin ngaihnawm tak tak te chu Rajya Sabha leh Lok Sabha TV-ah te chhuah sak turin an ngen tih a sawi. Hetih lai hian state BJP te chuan BCCI president, Anurag Thakur'n indoor cricket stadium a sak sak avang leh sports hmasawn nana a thawh hlawk avangin lawmthu an sawi tih an tarlang bawk.