Tripura Cong. MLA ten Trinamool zawm dawn

Tripura Chief Minister hlui Samir Ranjan Barman leh Congress MLA hel panga te chuan Trinamool Congress an zawm dawn.

Trinamool Congress zawm tur zingah hian Chief Minister hlui Samir Ranjan Barman leh a fapa Sudip Roy Barman tel hian mak tih a hlawh hle a, sawi zui pawh an hlawh hle a ni. Sudip Roy Barman chuan,"Kei leh ka MLA puite bakah ka pa te chuan ngun taka kan ngaihtuah hnuah thutlukna hi kan siam ta a ni, Ramzan zawh a nih hnu thla Trinamool Congress hi kan zawm ang" a ti. Sudip Roy Barman chuan, Tripura-ah hian West Bengal Chief Minister Mamata Banerjee kaih-hruainain Assembly elec-tion chuh an tum tih a sawi.

West Bengal-a CPI(M) in sorkarna a chan leh tak avang hian Tripura Congress chhungkaw buaina chu a tipunlun zual a, tuna MLA lungawi lo party chhuahsan tur te pawh hi Congress party mi leh sa vek an ni.

State Trinamool Cong-ress general secretary Mukul Roy leh MLA hel paruk te hian Agartala-ah meeting an nei a, thutlukna hi an siam ta a ni. Congress high command chuan MLA Sudip Roy Barman chu a lo suspend tawh a, Congress MLA dang te chuan suspend an nih hmain party chhuahsan zawk mai chu an thlang ta nia ngaih a ni.