AP CM-in NSDC Meet-ah ngenna thlen

Prime Minister Narendra Modi-a kaih-hruaiin National Skill Development Mission (NSDC) mid-term review meeting neih a ni a, he meeting-ah hian He huna tel Arunachal Pradesh Chief Minister Kalikho Pul chuan sorkar laipui chu hmarchhak
ṭhalaite hmakhua ngai a, Skill Development ngai pawimawh turin a ngen.

Pul chuan chuan Union Home ministry-in Jammu & Kashmir tana ‘Udaan Scheme’ a kalpui chu, hmarchhak state te tan kalpui ni ve se a duh tih a sawi. ‘Udaan Scheme’ hi industry tih hmasawnna nana duan a ni a, hmarchhak bialah kalpui a nih chuan a bik takin ṭhalai te tan chhenfakawm tak tur a ni, a ti bawk. Skill Deve-lopment Initiative (SDI) chu kalpui zel a nih tur thu sawiin, Pradhan Mantri Kaushal Vikas Yojana (PMKVY) hnuaiah dah a ni thuai dawn niin Pul chuan a sawi.

SDI scheme hnuaia hlawhtlinna te chu tarlangin, he scheme kalpui a nih hnuah an state-a ṭhalai hna neil o 11,658 aṭangin mi 3,500 zet chu skill development training pek an ni tawh. Training chhuak te hi India ram hmun hrang hranga sector leh organization-ah an thawk a ni. Sector Skills Councils leh training buatsaihtute chu he scheme ṭha leh zual zawka kalpui zel a nih theih nana ṭan la turin Pul chuan a ngen bawk.

AP CM Pul chuan sorkar laipui chu Over-seas Employment cen-ter pahnih tal din sak turin a ngen tih a sawi. Over-seas Employment NSDC leh Ministry of skill development and entrepreneurship ṭang-kawp ten an duan chhuah a ni. Centre chu Assam-ah a ni emaw Arunachal Pradesh-ah pawh dah nise pawi a tih loh thu a sawi tel bawk. Heng bakah hian Chief Minister chuan hmarchhak huam chhunga Regional Institute of Training of Trainers (RIToT) center te tichangtlung tura hmala turin sorkar laipui chu a ngen tih he hun hmanpuitu, Prime Minister Naredra Modi chu a hrilh bawk.

Pul chuan hmar-chhak hmasawnna atan traditional skill development chu thil pawimawh tak a ni a ti a, heng handicraf, handloom, painting lamah te Pradhan Mantri Kaushal Vikas Yojana (PMKVY) a hlawhtlin theih nan ṭan lak a ngai tih a sawi bawk.