Manipur-Myanmar border-ah WY tablet Rs vbc 6.5 hu man

Manipur leh Myanmar inrina, international border vengtu Assam Rifles-te chuan Thawhlehni khan ramri hrul, Manipur sector-ah ruihhlo cheng vaibelchhe 6.5 chuang hu an hman. 

Sipaiten ruihhlo an man hi Amphetamine (WY) tablet a ni a, Thawhlehni vek khan Moreh police station-ah an hlan nghal a, ruihhlo neitu nia puh Mangneo Vaiphei (24) pawh man a ni bawk. 

Assam Rifles-te chuan ruihhlo neitu hi Moreh police station huam chhung, Hollenphai khuaa border pillar no. 76 bulah man a nih thu an sawi. Sipaite hian borderline-a patrol duty an neih laiin bag ak chunga a kal an hmu a, a awmdanah ringhlelin a bag hi an endik sak a, ruihhlo ṭhahnem tham tak hi an hmu ta a ni.