Assam-in mid-day meal worker-te hlawh tipung

Assam sorkar chuan state chhunga mid-day meal worker-te hlawh chu Rs 500-in a tihpun sak  tih education minister Himanta Biswa Sarma chuan a sawi. 

Sarma chuan centre aṭanga fund kal aṭangin mid-day meal cook-cum-helper-te hi thla khatah Rs 1,000 pek ṭhin an ni tih a sawi a, mahse April 1,2020 aṭanga hman ṭan turin an thla hlawh hi Rs 500 in a tipung a ni, a ti. 

April-October chhunga an hlawh punna hi Durga Puja hmain an bank account-ah dah sak an ni dawn a, finance department chuan hemi atan hian fund Rs vbc 34.20 pawh a pawmsak tawh tih minister chuan a sawi bawk. 

Assam-ah hian mid-day meal worker hi 1,18,998 an awm mek a ni. 

State cabinet chuan kum 1991-2001 chhung zirtirtu lak  leh training pawh zo vek tawh, mi  1,576 te chu regular pay-scale pek a remti bawk. Heng zirtirtute appointment hi November aṭangin hman ṭan a ni ang. State sorkar chuan zirtirtu dang 2,960 pawh fixed salary pek turin a la thar dawn bawk a ni.