Cabinet minister siksawi tumna a awm lo - Sangma

Tun hnaia All India Congress Committee (AICC) in Meghalaya cabinet siksawi tum anga hma a la mek nia thu thang awm chu Meghalaya Chief Minister Mukul Sangma chuan thu belhchian dawl lo a ni, a ti.

Menghalaya Chief Minister chuan, media te chu thu belhchian dawl lo theh darhtu niin a sawi a, a hmunah kala fiah phawt zel turin a duh tih a sawi. Cabinet minister siksawi tumna a neih loh thu sawiin, hlauhthawn tur a awm lo, a ti. 2018 Assembly inthlan neih tur chu an party chuan a tinzawn tih sawiin, hnehna chang leh ngei turin a minister-te nen chuan hma an la mek zawk tih a sawi.

AICC chuan minister siksawi tur hian a nawrlo tih sawiin, Sangma chuan a ṭul a nih chuan High Command chuan a hriattir mai dawn a ni, a ti. CM chuan High Command a bepawp tawh tih sawiin, ministry siksawi chungchang sawi a awwm lo, a ti. MPCC president DD Lapang pawhin thu thang chu dawt mai a nih thu a sawi ve bawk.