Jitendra Singh-an NE hostel lungphum Bangalore-ah a phum

Development of North Eastern Region (DoNER) Minister Jitendra Singh chuan Thawhṭanni khan Bangalore-ah hmarchhak mite tana hostel siamna tur lungphum a phum. He hostel hi hmarchhak zirlai, a bikin hmeichhia, Bangalore University-a zirte awmna tura ruahman a ni.

He hostel-ah hian zirlai 269 an awm thei dawn a, a sakna atan hian cheng vaibelchhe 14 ruahman a ni. Hostel sak hna hi thawh thuai a ni dawn a, Jawaharlal Nehru University (JNU), New Delhi-ah hmarchhak zirlaite awmna tur hostel sa turin hmalakna kalpui mek a ni bawk.

Hei hi North Eastern Council (NEC) pawhin a pawmpui tawh nia hriat a ni bawk. JNU hi hmarchhak state aṭanga zirlai tamna ber pawl a ni.