HNLC ten Meghalaya CM Sangma an dem

Hynniewtrep Nati-nal Liberation Council (HNLC) chuan Meghalaya Chief Minister Mukul Sangma chu remna kawng zawnga inbiakna neih duh loah an puh a, a chet dan chu an dem thu an sawi.

HNLC publicity secre-tary Sainkupar Nongtraw chuan,“HNLC chuan MLA te chu CM Mukul Sangma thlawp lo turin kan ngen a ni. A ni hi diklo taka roreltu a ni a, kan dodal zel dawn a ni” a ti. He mi chungchangah hian Prime Minister Narendra Modi hnenah memorandum theh luh a ni tawh a ni, tih a sawi.

"Sorkar nena inremna chungchangah a ni hian kawng min hawnsak duh lo, inbiakna kalpui zel turin CM aiah hian HNLC chuan Disparsing Rani a duh zawk a ni", tiin Nongtraw chuan a sawi. Chief Minister chet dan hi duhsak lam nei. HNLC te ngaihsak tawk loah an puh. Hetih lai hian Sangma chuan sorkarin HNLC te hi inbiakna neihpui a duh reng niin a sawi ve thung.