Manipur Student’s Body ten Solidarity March an nei

Manipur Students Association Delhi (MSAD) chuan June 5, Pathianni khan ILPS chungchanga hmalakna an thlawp a ni tih lan tirin Manipur Bhawan, Delhi-ah 'Solidarity March' an nei.

MSAD te chuan 'Solidarity March' an buatsaih chhan sawiin, Manipur-a Political Party hmalakna leh Chief Minister O Ibobi Singh-an Bill pathum tih khawtlai a nih chungchanga President hmu tura New Delhi a pan an thlawpna lantirna a nih thu an sawi.

MSAD te chuan zawhna siamin, eng vanga Manipur politician te chu Delhi-a chawlh hmanga awm reng nge an nih, state-ah buaina an tawh mek chu an ngaihthah em ni? tiin, zirlai tam takin harsatna an tawk mek chu an ngaihthah an ni, an ti. MSAD vice-president Yaiphaba khangembam chuan, Manipur siam ṭha tur hian politician te chauh ni loin an vaia ṭanrual a ngai tih a sawi. Phai zawl leh tlang rama chengte ṭhendarh hi thil theih a nil o a ti a, zirlai lungawi lohna lantirtu man te chu chhuah turin an phut tih a sawi bawk.

Hetih lai hian Thadaou Peo-ple Liberation Army (TPLA) 'commander-in-chief' Nekholen Lhouvum alias Helen chu man a ni. TPLA hruaitu hi June 3 khan Manipur-a Bethel khua, Senapati district-ah Army's Jwalamukhi Battalion ten an man. Nekholen Lhouvum alias Helen hi Sadar Hill area-a mi rukbo, sum chhuhsak leh inbeihna thleng ṭhina a bultumtu ber nia hriat a ni.

A kut aṭang hian US siam 9mm pistol , 9mm magazine pakhat leh thil dangte an man tel a ni.