Zirlai tiṭhate lawmpuina hlan ṭhin a ni : Assam CM

Assam chief minister Himanta Biswa Sarma chuan kum 2023-24 chhung khan state chhunga zirna kaihhnawihah zirlaite tan cycle, scooter, fee tihtlawm/ngaihhnathiam leh lawmpuina pawisa state sorkar chuan a pe tih a tarlang.

Chief Minister chuan zirlaite tana lawmpuina an pek chhuah chu Assam-in zirlai tiṭhate a lawmpui zia a tih lanna a ni, a ti. Zirlai 3,69,454 hnenah cycle pek niin zirna an dawn theih nan kawng awlsam dap sak an ni bawk tih Himanta chuan a sawi. Arohan scheme hnuaiah zirlai 9,700 chu kaihhruaina pek ṭhin an ni tih sawi bawkin, Anundoram Borooah Award scheme hnuaiah zirlai tiṭha 27,183 chu lawmpuina tangka fai Rs 15,000 an hlan tih a tarlang bawk.

Zirlai harsa zawk ṭanpui nan Assam sorkar chuan zirlai 17,19,306 tan fee a titlawm/ngaihnathiam tih tarlangin, hmun hla zawka awm zirlaiten zirna hmun pannaa harsatna an tawh loh nan zirlai 35,770 hnenah scooter pek a ni bawk tih Assam CM chuan a sawi. Hetianga Assam sorkarin zirlaite tan a thlawna thil tam tak an sem chhuah chhan hi zirna kawnga hma an sawn theih nana ti an ni.