Meghalaya HC-in bomb hmanga beiha vau a tawk

Meghalaya High Court chuan Thawhlehni khan bomb hmanga beiha vauna email-ah dawngin, police chuan court leh a chhehvel venhimna an tikhuah nghal a ni.

Meghalaya police officer pakhat chuan court thuneituten vauna an dawn hnu hian HC venhimna tihkhauh belh a ni, a ti. High Court leh a chhehvelah hian venghimtute tirh luh belh an nih bakah bomb squad leh ui fing te dah tel a nih bakah lut leh chhuakte pawh uluk taka dap vek an ni bawk. HC in vauna a tawh hi kumin chhunga a ṭum hnihna niin, January thla khan bomb hmanga beiha vauna hi a lo tawk tawh bawk a, hemi ṭum hian India rama High Court dang pawhin vauna hi an tawk ve a ni.

Bomb hmanga beiha vauna email thawn chhuaktu leh email hi a tak a ni em tih chu Meghalaya police cyber cell chuan an chhui chiang nghal a, thuthar thehdarhtu lam chuan he invauna hi a lem niin an tarlang. Meghalaya police chuan fimkhur thilah court chhung venhimna hi tikhauh in, tun dinhmunah chuan hlauhthawn tur a awm lo niin a sawi.