Nagaland : Plastic bottle litre 1 aia tlem dawng hman phal dawn lo

Nagaland sorkar chuan tui bottle, plastic aṭanga siam litre 1 aia tlem dawng chu August 1 aṭangin hman a khap dawn. Hemi bakah hian hman-khat-daih-sarang, eng micron pawh ni se hman an phal tawh dawn lo bawk.

Nagaland chhung plastic laka a lo thianghlim zawk nan leh plastic bawlhhlawh mumal zawka sawngbawl dan tur sawi hona chu Ningani khan Nagaland Chief Secreatry, J Alam leh department hrang hrang hotuten neiin he hunah hian platic bottle, litre 1 aia tlem tui dawng chu hman khap tawh turin thutlukna an siam a ni. Alam chuan plastic bawlhhlawh chu state chhung tan buaina tham a nih tawh thu sawiin hmalakna mumal tak neih a ngai tawh a ni, a ti.

Nagaland CS chuan tun huna hmalakna bakah, hmalam hun thui tak thlira hmalak a ngai tih sawiin department hotute chu hman-khat-daih-sarang ṭhat lohzia inzirtirna thehdarh kawnga hma la turin a chah a ni. Hemi bakah hian department hmalakna chu geo-tagging hmanga dah ṭha tura chahin, an website-ah thlalak leh video dahṭha ṭhin turin a ti bawk.