AP CM-in sum pe chhuak turin a ngen
Arunachal Pradesh Chief Minister Kalikho Pul chuan sorkar laipui chu infrastructure development plan atana state sorkarin a dawn tur cheng vaibelchhe 5214.28 chu pe chhuak thuai turin a ngen. Arunachal Pradesh state chhunga hmasawnna hnathawh hrang hrangte thlir leta sawihona hun hman a ni a, Union minister of state for Home, Kiren Rijuju chuan he hun hi a hmanpui a ni.
Pul chuan financial year 2015-16 chhung khan 14th Finance Commission (FFC) chuan an state tan Central Taxes aṭangin cheng vaibelchhe 7936.16 pek turin a ruahman a, mahse Arunachal Pradesh chuan cheng vaibelchhe 7075.58 chauh a dawng tih sawiin, 14th Finance Commission (FFC) in pek tur a a ruahman sak
aṭangin vaibelchhe 860.58 chu state sorkar chuan a dawng lo a ni, a ti. Union Budget 2016-17-ah an state chu FFC chuan 9157.42 a ruahman sak a, mahse state sorkarin a dawn tur tak erawh vaibelchhe 7868.94 a ni.
Arunachal chuan Centrally Sponsor Scheme hnuaiah kum 2015-16 chhung khan vaibelchhe 1980.78 dawngin, a tira an dawn zat tura ruahman chu 3245 niin, vaibelchhe 1264.22 an hloh a tih Pul chuan a sawi.
Arunachal Pradesh Chief Minister chuan kum 2015-16 chhungin sokar laipui aṭanga sum hmuh te chu non-plan expenditure heng sorkar hnathawk hlawh te, kawngpui enkawl nan te, lei dawh vil zui nan te leh power lei nan vaibelchhe 7660.38 hman a nih thu a sawi. Pul chuan Jaitley hnenah ngenna siamin an state sorkar-in sorkar laipui aṭanga sum a dawn tur anga te pek an nih thuai theih nana hmalak pui turin Jaitley chu a ngen a, hmasawnna hna te chhunzawm leh thuai chu an duh ber a nih thu Chief Minister chuan a sawi bawk.