Assam police 6 dam chhung tang turin hrem

Assam-a Tinsukia district and sessions judge Dipankar Bora chuan Assam police paruk chu kum 11 liam taa bazar-a mi pakhat an sawisak hlum chungchangah dam chhung tang turin an chungthu a relsak.

Kum 2013, October 7 khan Tinsukia district-a Sadiya khuaa Ambikapur market-ah police parukte hian Ajit Sonowal chu na takin an sawisa a, Diburgarh-a Assam Medical College and Hospital-a hruai a nih hnuah a hliam tuar loin a thi a ni. Sawisak hlum a nih chungchangah a pa chuan Sadiya police station-ah FIR a thehlut a, thil thlen dante chhui chian a nih hnuah court chuan police parukte hi thiam loh a lo chantir tawh a ni. Nilaini khan Indian Penal Code Section 302 (murder) hnuaiah dam chhung tang tura hrem an ni ta a ni.