Manipur-ah khaw pasarih aṭangin ralthuam man

Border Security Forces (BSF), Assam Rifles leh Manipur police joint team chuan thingtlang khaw pasarih an dapna aṭangin ralthuam thuhruk ṭhahnem tham tak an man.

Joint team hian silai leh a mu thuruk a awm tih thu an dawn bawhzuiin, Noney district-a Mongjarong Khunou leh Old Nunganang khua bakah, Churchandpur district-a Lailophai, Dongjang leh Hengkeng khua te, Tengnoupol district-a Maojang leh Kakching district-a Phuru Khullen khuate an dap a, heng khuaahte hian ralthuam hi an man a, mihring man erawh an nei lo.

Ralthuam an man zingah hian 5.56 HK Assault Rifle, 7.62 Rifle, Carbine Machine Gun leh magazine, .32 pistol pathum leh magazine, Lathode Grenade pathum, Handheld Radio set pahnih, live round ammunition pathum, tactical pouch, bullet proof jacket pathum, local made Pompi, SBBL gun pali, Sig-Sauer pistol, IED pathum, tac phone, battery leh thil dangte an tel. Joint team hian an ralthuam mante hi an hnai ber police station-ah an hlan hlawm a ni.

Assam Rifles chuan CRPF leh Manipur police-te nen thawk hoin, tun hnaia buaina a chhuah thar lehna, Jiribam district-a in hal tute zawn hna an thawk mek tih an sawi bawk.