IMC-ah BJP chak zo lo

Manipur-a Imphal Municipal Corporation (IMC) inthlan neih zawh takah rorellai Indian National Congress (INC) chu party mal-a chak ber niin, ward awm zawng zawng 27 aṭangin ward 12 a la a ni. Hetih lai hian INC khingpui lian ber Bharatiya Janata Party (BJP) chuan ward 10-ah hnehna changin, a bak ward nga-ah te chuan Independent candidate ten hnehna an chang.

Imphal Municipal Cor-poration (IMC) inthlan result hi Thawhlehni khan puan a ni a, Independent councillor pathum te chuan Congress thlawpin Municipal aṭanga Corporation-a hlan kai a nih hnua a hmasa ber ni turin sorkarna an siam dawn a ni.

Singjamei Assembly bial aṭanga thlan tlin, forest leh environment minister I Hemo-chandra chuan, an party chuan hnehna chang zo lo mah se an state-a BJP hmasawnna chu hmuh theihin a awm a ni a ti. hi a ropui tak zet a ni" a ti

State election commission chuan Imphal West-a councillor thlan tlin tak te leh Ward Develop-ment Committee member certi-fi-ciate chu Nilaini khan Lam-phelpat-a returning officer office-ah pekchhuah a nih thu a sawi.