Hnam rohlute humhalh a ngai : AP Governor

Arunachal Pradesh Governor JP Rajkhowa chuan an state chhunga hmun hmingthang leh hnam ro hlu te chu vawnṭhat a, uluk taka enkawl a ngai tih a sawi.

Nilaini khan Raj Bha-van, Itanagar-ah Governor leh Indian Archaeological Society (IAS) te chuan inkawm khawmna an nei a, he hunah hian he thu hi a sawilang a ni.

Governor chuan an state chhunga hmun hmingthang leh hnam rohlu te chu neitu rilru pua dimdawi taka enkawl an ngai a ni a ti. Parasuram Kund (Tezu), Vasudev Mandir (Nari), Malinithan (Likabali), Itafort (Itanagar), Shivling (Ziro) leh Dirang-a Dirang Dzong a mi te chu rohlu an tling a, dimdawi taka humhalh an ngai tih a sawi. Heng thil te hi research tih nan te, discovery leh archaeology lam atan te an ṭangtai em em a, state rohlu an nih bakah archaeology lama tui mite hip theitu a ni, a ti. Heng zawng zawng hi cultural leh heritage tourism atana ṭangkai tak a ni, a ti bawk.

Hnam rohlu humhalh chu state economy pawhin nasa takin a ṭhat phah dawn tih Governor chuan a sawi. IAS palaite chuan Governor hnenah hian Indian Archaeological Society Annual confe-rence chu Arunachal Pradesh-ah nghat se pawi an tih loh thu an hrilh ve bawk. Heng bakah hian Indian Archaeology Society (IAS), Indian History and Culture Society (IHCS) leh Indian Society for Prehistoric and Quaternary Studies (ISPQS) ṭangkawp te chuan Rajiv Gandhi University, Rono Hills-ah ni thum awh conference neih turin hma an la mek a, he hunah hian expert leh research beitu mi ṭhahnem tak India ram hmun hrang hranga an fuankhawm rin a ni.

Hmarchhak-ah hian kum 1984 khan Gu-wa^-hati-ah Indian Archaeological Society Annual conference hi nghah a lo ni tawh a, kum 30 chuang liam hnuah Rono Hills-ah hian nghah a ni leh dawn ta a ni. He inkawmhona ah hian RGU Registrar Prof Rachob Taba leh Deputy Registrar Dr David Pertin te pawh an tel a ni.