Assam sorkar-in Committee din

Assam sorkar hnuaia Finance department hma-laknain sorkar laipui scheme hrang hrangte vila endiktu tur committee din a ni.

Sorkar laipui aṭanga scheme hrang hrangte kalpuina tur hian Assam sorkar chuan cheng vaibelche 10,000 vel hmuh theih a inbeisei a, heng sum te hi dik taka hman a nih theih nan leh hmasawnna atana hman a nih theih nan a viltu tur state sorkar chuan a din ta a ni. He committee-ah hian member pathum an awm dawn a, Additional Chief Secretary KV Eapen'n a ho dawn a ni.

Deparment ten scheme leh programme hrang hrang an kalpui te chu committee hian a vil ang a sorkar-ah report an theh lut ṭhin dawn a ni. Additional Chief Secretary (Finance) chuan NABARD-RIDF, Externally Aided Projects, Open Market Borrowings leh a dangte hnathawh chu committee hian a endik nghal ang a, kar thum chhungin sorkar-ah report a thehlut ang. Report hmasa ber hi July-August chhunga peih fel hman tura tih a ni. Finance department leh Planning & Development department te chu mawh-phurhna sang tak pek an ni bawk.