Indian Army-in hmarchhak state pathumah de-addiction campaign nei

Indian Army chuan ‘International Day Against Drug Abuse and Illicit Trafficking’ denchhenin hmarchhak state pathum- Assam, Manipur leh Tripura ah de-addiction campaign an nei. He hunah hian ruihhloin hriselna a tihchhiat dan leh, khawtlang nun khawih pawi thei thil a nih zia tarlan a ni.

Assam-ah chuan Phillobari Senior Secondary School, Tinsukia district bakah Sivasagar district-a Delehi Borpatra Medium English School leh Don Bosco High School bakah Drug De-addiction Centre-ahte ruihhlo ṭhat lohna inzirtirna hun hi hman a ni. Zirlai 355 leh zirtirtu 27 an tel a, heng bakah hian ruihhlo thlah tuma rehabilitation nei lai mek ṭhalai 25 an tel bawk. Ruihhlo laka inven a pawimawh zia tarlangin, tichhin lo turin zirlaite chu fuih an ni. United Nations thil tum pakhat, drugs tawlhruk tihtawp a nih theih nan ṭanrual a ngaihzia tarlan niin, ruihhlo ngawlveite chu chhan chhuah an ngai tih tarlan a ni bawk.

Manipur-ah chuan Indian Army hian ruihhlo ṭhat lohzia inzirtirna hun hi Moirangpurel High School, Imphal East district-ah neiin thusawi ngaihthlak a nih bakah poster insiamsiakna buatsaih a ni. Zirlai 120 leh zirtirtu pasarih telin kalkhawmte leh physician-te chuan inkawmkhawmna hun an hmang a ni. Tripura-ah chuan Indian Army Spear Corps kaihhruaina hnuaiah awareness campaign hi Agartala Military Station-ah neih niin ruihhlo ṭhat lohna te inhrilhfiahna hun hman a ni. Sipai daktawrte chuan kalkhawmte hriselna an endik sak bawk.