Tripura-a Congress-BJP inkarah buaina chhuak

Tripura-a rorellai, BJP leh eptu pawl, Congress party worker-te chu Ningani khan intibuaiin, buaina chhuakah hian mi 30 velin hliam an tuar a, hliam tuar zingah hian police constable pawh a tel. 

BJP worker-te hian Congres worker-ten political meeting an neih tur chu lo dan an tum a, hei vang hian party pahnih worker-te inkarah hian buaina hi a chhuak zui ta a ni. Additional Director General of Police Rajiv Singh chuan Ningani tlai lamah buaina hi a chhuak tih sawiin, Bishalgarh police station aṭangin police eng emaw zat chu tirh nghal an ni, a ti. Buaina chhuak tihreh tuma an beihnaah constable pakhat chuan hliam a tuar a, police-te chuan Bishalgarh police station-ah thubuai an thehluh nghal thu an sawi bawk. 

Hetih lai hian party pahnih chuan police-te chu an laka tharum hmang nghalah an puh ve thung a, tiang leh tharum hmanga an party worker kut thlaktu police-te chunga action an phut thu an sawi.