Manipur chungchang sawilan loh vangin Congress-in President Murmu an dem

India president Droupadi Murmu chuan kar liam ta Ningani khan Parliament in hnih ṭhukhawm hmaah thu a sawi a, hetah hian Manipur buaina chungchang a sawi lan loh avangin an dem tih Manipur Pradesh Congress Committee (MPCC) chuan an tarlang.

MPCC working president Kh Devabrata chuan, Manipur chungchang sawilan a ni ve lo chuan state mipuite a tizak hle tih sawiin Manipur aia buaina lian zawk tun hnaiah India ramah a awm lo, a ti. Hetiang hi an state dinhmun ni mah se President-in a thusawinaa a sawi lang lo chu hriatthiam harsa an tiin, "Engtin nge hetiang buaina lian tham hi an hmaih theih zawk?" a ti a ni. Devanrata chuan prime minister Narendra Modi chuan Manipur chu a ngaihsak lo zui zel dawn em ni tih zawhna an neih tih tarlangin, President thusawi chu union cabinet-in an pawmpui hnua Parliament a sawi thei chauh a ni, a ti bawk. Manipur buaina vang hian mi 220 chuang an thi tawh a, mi 1,500 hliam awmin mi 70,000 chuangin an chenna hmun an chhuahsan a ngaih phah bawk.